Skin Fruit .. Muscat Grand Mall

السلام عليكم 

بوست اليوم بيكون عن زياره لمحل 

 سكين فروت Skin Fruit 

في Muscat Grand Mall (MGM) 

المحل جامع ٤ او ٥ ماركات كوريه لمنتجات تجميليه عضويه
Natural Republic
Etude House
TonyMoly
Skin Food


المنتجات العضويه هي منتجات تتكون من مواد طبيعيه  ومواد حافظه طبيعيه مثل الزيوت
وما فيها مواد حافظه كيماوية ف دايما يكون عمرها ٦ الئ ١٢ شهر 

 

صورت اكثر الاشياء اللي حبيتها ..

لوشن للجسم بالشيا ريحته عاديه تقريبا نفس جيرجينز تقريبا ترطيبه حلو 

و اكثر شي حبيته سكرب للجسم بالكوفي ريحته تجنن وفنفس الوقت يرطب و معاه اللوشن بالكوفي 

نروح ل قسم العنايه بالشعر 

عندهم مجموعة زيت الاركان طبعا كلكم تعرفوا عنه وعن فوايده للشعر  (argan oil) من Natural Republic

الشامبو والكونديشنر و الزيت ..

وحبيت فكره ماسك الشعر نفس الشي بزيت الاركان من Skin Food 

وعندهم صبغات للشعر طبيعيه درجات البني تقريبا 

و وقسم للشباب 

و ميك اب بس ما جربته واخذت من عندهم ماسك بالعسل للوجه ..

موقعه ف Muscat Grand Mall 

الطابق الثاني 

ان شاء الله يعجبكم البوست 

 و لا تنسوا تحطوا كومنت و خبروني ايش اللي عجبكم اكثر ..

MONTALE * BLACK AOUD

السلام عليكم ورحمة الله و بركاته ..

ثاني بوست لي فالمدونه ;$

ثانكيوووووو لكل اللي شجعني و دعمني اني اكمل وانزل اكثر ♥♥
احبكم كلكم ... ♥
اهلي و صديقاتي و البلوجرز الحلوين ♥♥♥♥

وان شاء الله استفدتوا من اول بوست ل مفضلاتي لشهر ديسمبر 

بوست اليوم ل عطر من ( Montale Paris )

Black Aoud

ريحته جمييييييله كثير انسآلت عنه ♥

عطر شتوي اكثر مناسب اكثر للجمعات والمناسبات 

ريحته قويه 

مكوناته : مسك ، ورد ، البتشولي ، واخشاب العود 

مبين من المكونات انه قوي و طاغيه عليه ريحة اخشاب العود اكثر 

تقريبا سعره ف حدود ٣٥ - ٤٠ ريال عماني 

خلصت ان شاء الله يعجبكم البوست ♥

Favorites Of The Month * "Dec\13"

السلام عليكم ورحمة الله و بركاته ..

كل عام وانتوا بخير  ..

حبيت انزل اول بوست في المدونه ب مفضلات شهر ديسمبر 3>

اخترت ٤ اشياء بس  

روج من make up for ever اكثثثر روج استخدمته فالفتره اللي راحت جمييييل واااايد وناسبني 

احسه يناسب البشره الحنطيه والبيضا اكثر لونه شوي غير فالصوره هو اغمج شوي 

رقمه 45 

تينتد موسترايزر من The balm للطلعات السريعه الصبح 

اخذت medium من تاجره عمانيه @rozanah هذا اكاونتها فالانستقرام

بس هالفتره جربت استخدمه قبل الفاونديشن يرطب و يسهل توزيع الفاونديشن

اتوقع بس كانت في ٣ درجات light,medium/light medium

مرطب من جرجنز Jergens  بزبدة الشيا 

اخذته لاني كنت محتاجه ل مرطب عميق فهالبرد واخترت الشيا و بشرتي من النوع اللي بسرعه تجف لازم ارطبها اكثر من مره فاليوم ف صرت اخذه معاي كل مكان كل ما غسلت ايدي علئ طول استخدمه 

ترطيبه حلو  ما كمل معاي شهر بس خلاص انفاسه الاخيره 3/>

ايبيك امواج Amouage Epic Woman

عطر ايبيك من امواج 

شتوي جميييييل و انيق ما حبيت ريحته من اول استعمال بعدين بدت قصة حب مع هالعطر 3>

مكونات العطر من موقع امواج  

*مقدمة عطر أمواج النسائي إبيك ” Epic Woman ” تحوي مزيجاً من الكراوية و الفلفل الوردي و القرفة .

يبنما يحوي قلب عطر أمواج إبيك النسائي رائحة الأزهار و الياسمين مع الشاي و زهرة الغرنوقي . 

خاتمة العطر تحوي مزيجاً من جذور السوسن و الفانيليا و العنبر و البخور الممزوج مع أخشاب العود و أعشاب الباتشولي *

خلصت ان شاء الله يعجبكم اول بوست وشاركوني تجاربكم لو جربتو شي منهم ♥